En liberdade con cargos os detidos na Coruña o 14N

Se onte saíron en liberdade os catro anarquistas detidos por interromper a monótona marcha das centrais sindicais oficialistas (nova aquí), hoxe ceivaron ao resto dos detidos durante a xornada de folga xeral.

O primeiro en sair foi a persoa detida pola mañá de onte no transcurso duns incidentes entre a policía local e un piquete anarquista. Con cargos de resistencia e atentado abandonaba os xulgados pouco antes do medio día.

A última hora da tarde saían o resto dos detidos das dependencias xudiciais, os catro arrestados no piquete da rúa da estrela, con cargos de resistencia, desobediencia e relativos a liberdade de folga. A un deles rompéronlle un brazo na detención.

Redatado por C.R. con informacións recollidas nas concentracións de hoxe e onte fronte as comisarias da policía e os xulgados.